ni Gng. Erlinda G. Antaran
I
Ang tradisyong Pilipino kung pag-uusapan
Ang pagpapahalagang pantao’y buhay na larawan
Isinapuspong palagi ang kagandaang-asal
Pagkalahi ng bayan, lubos na ginagalang.
II
Tradisyong Pilipino noon at magpasahanggang ngayon
Ipinaglaban ng mga bayaning manatili sa bawat panahon
Mula sa katutubo, Kastila, Amerikano at Hapon
Tradisyon natin ay nagningning at kinikilala sa lahat ng panahon.
III
Kaya nga’t tradisyong Pilipino ay maipagmamalaki
Tulay ito sa pagbabago at simbolong natatangi
Kaugalian at kilos, tunay na kawiliwili
Hagdan ito sa tagumpay at kapayapaang minimithi.
0 comments:
Post a Comment