Pangunahing Produktong Iniluluwas ng Pilipinas

Sagana sa likas-yaman ang ating bansa at karamihan sa mga produktong iniluluwas ng Pilipinas ay mula sa biyaya at produkto ng lupa, minahan at kagubatan.

May dalawang kategorya ang mga produktong iniluluwas. Ang una ay tinatawag na tradisyunal. Kumakatawan ang mga ito sa 75% bahagdan ng kabuuang iniluluwas ng bansa. Kabilang dito ang mga produktong asukal, kopra, saging, troso at kahoy, langis, niyog, ginto, pinya, abaka at marami pang iba.

Ang ikalawang kategorya ay tinaguriang di-tradisyunal na produkto. Kabilang naman sa mga ito ang mga damit kagamitang elektrikal at di-elektrikal, produktong pagkain, muwebles, sapatos at mga gawang-kamay. Higit na malaki ang pambansang kita sa mga produktong ito kaysa tradisyunal sapagkat mataas na ang antas ng produksyon.

Kung nagluluwas ng mga kalakal ang Pilipinas, nag-aangkat din ito sa iba’t ibang bansa. Langis at panggatong na mineral ang pangunahing inaangkat ng Pilipinas. Lumaki ang pag-aangkat ng produktong petrolyo noong 1989 hanggang 1991 nang sumiklab ang krisis sa Gulfo ng Persia subalit bumaba naman ito nang tumatag ang halaga ng petrolyo pagkatapos ng digmaan.

Umaangkat din ang Pilipinas ng iba pang produkto tulad ng power-generating ang specialized machineries; kagamitan sa telekomunikasyon at makinang elektrikal, kagamitan sa sasakyang panlupa, maliban sa mga pampasaherong kotse at motorsiklo, kagamitang pang-agham pampotograpiya, mga relo, orasan at optical goods, kagamitang elektroniko sa opisina, tela, basket, asero at iba pa.

Kabilang din sa inaangkat ang hilaw na sangkap at panggitnang kalakal na bumubuo ng hindi pa nayayari at bahagyang nayayaring hilaw na sangkap.

Nahahati sa tatlong kategorya ang mga produktong inaangkat: produktong pangkonsumo, produktong kapital at mga hilwa na materyal at produktong intermedya.

1. Produktong Pangkonsumo

karne

produkto ng pagatasan

isda at ibang preparasyon

butil

prutas at gulay

inumin

2. Produktong kapital

makinarya

kagamitang elektrikal

kagamitang pantransportasyon

instrumentong panseyentipiko

3. Hilaw na Materyal at Produktong Intermedya

patuka sa hayop

panggatong na mineral, lubrikante, medisina

tela, sinulid

base metal

(Halagang F.O.B. sa milyong dolyar)

1999

Kabuuang Iniluluwas	Dami	Halaga
1. Tradisyunal na Produktong Iniluluwas Langis ng niyog Asukal Pulot Ginto Petroleum Tanso Pinya 2. Di-Tradisyunal na Produktong Iniluluwas Damit Kagamitang elektrikal at di-elektrikal Kemikal Muwebles Isda Saging Tela Inumin Makinarya Tansong metal	479 143 158 1,783 216 146 183	342 63 8 213 43 82 2,267 21,166 294 354 287 241 219 455 4,950 236

Isinasaad sa talaan na ginto ang may pinakamalaking bahaging iniluluwas ng Pilipinas at dolyar na naipapasok sa bansa at sumunod dito ang langis ng niyog. Higit na malaki ang kita ng mga di-tradisyunal na produkto. Makinarya o mga kagamitang pang-industriya naman ang siyang nagpapasok ng malaking halaga ng dolyar sa Pilipinas.