Wednesday, November 24, 2010

MGA HUDYAT NG BAGONG KABIHASNAN


(Sa Aking Bayan)

Simon A. Mercado

“ Walang mangyayari sa balat ng lupa,

Di ma’y kagalingang Iyong ninanasa.”


Kumislap ang isip ng pantas na malay

At ang sandaigdig ay naliwanagan

Nagsipamuklak ng dunong na yaman

Ang nangagpunyaging paham na isipan;

At tayo’y nagising sa bagong kandungan

Ng pagkakasulong ng sandaigdigan!


Natuklas ng dunog na kahanga-hanga

Ang Atom na siyang panggunaw sa lupa;

Tila niloob ng Poong Bathala

Na tayo’y matapos sa sariling nasa;

Nakapabingit na sa pagkariwara

Ang ating daigdig na lutang sa luha!


Sa bagong liwanag ng pagkakasulong

Ay nangatuklasan ang lihim kahapon;

Ang mundo’y kumitid sa lipad ng dunong,


Nalakbay ang langit ng bakal na ibon,

Nasisid ang mga dagat na maalon

Ng taong palakang nagwagi sa layon!

Sa bilis ng bagong nilikhang panuklas

Narating ang buwan ng bakal na limbas;

Noon naman unang sa buwa’y lumunsad

Ang dalawang bunying astronauts na tanyag;

Subalit hindi pa lubos na matiyak

Kung ang buhay rito doo’y magluluwat.


Sa niyanig – yanig ng mundong mabilog

Kapag may malaking bombang sinusubok,

Ang ehe ng mundo ay baka mahutok

At saka malihis sa kanyang pag-ikot,

Pag ito’y nangyari, mundo’y matatapos

Dahil sa paghinto ng kanyang pag-inog!


Hindi lamang iyan, may panganib pa ring

Ang mundo’y matapos hindi man mithiin,

Sa dalawa kayan malakas ay alin

Ang hindi magnasang ang isa’y linlangin?

Mundo’y matatapos, dapat na tantuin,

Sa Sandaling biglang ang isa’y magtaksil!


May panganib pa rin sa bawat pagsubok

Ng bombang may lasong buga sa fallout;

Ito kung pumuksa sa tao’y kilabot

Higit na mabangis sa alinmang salot ;

Pag ito’y kumalat ay katakut-takot,

Walang mabubuhay sa buong sinukob!


Sa ngayon, ang hanging ating nilalanghap

Ay may kahalo nang maruruming sangkap;

Kapag ito’y hindi nalunasan agad

Ay sa lason tayo mapupuksang lahat;

Kung bakit ang tao’y habang umuunlad

Saka nalalapit na lalo sa wakas!


Nang ang Hiroshima’t Nagasaki’y minsang

Bagsakan ng bombang karaniwan lamang,

Sa dalawang pook na pinaghulugan

Ay napakaraming nakitlan ng buhay;

Kung ang ibabagsak ay bombang pangunaw

Dagat na ang hapon sa kasalukuyan!

“Pag bombang awtom ang siyang ginamit
Sa Luson, Bisaya, Mindanaw, karatig,

Dahilan sa lakas na napakalabis

Ang sangkapulua’y lulubog sa tubig;

Huwag nawa sanang loobing ng Langit

Na ang Santinakpa’y maglaho sa titig!


Ang pag-uunahan ng dalawang lakas

Na sa kalawakan ay magharing ganap,

Ay nagbabalang di na magluluwat

At tayo sa digma’y muling magsisiklab;

Maanong loobin ng Nasa Itaas

Na huwag na sanang dumating ang wakas!


Ang Arabya, Jordan, Israel, Ehipto,

Cambodia’t Vietnam, nag-iipu-ipo;

Ang hihip ng hangin kapag di nabago

Sa apoy ng digma’y masusunog tayo;

Lalo pag ang Tsina’y nagtaas ng ulo

At saka ang Rusya’y gumamit ng Maso!


Nais na lagumin ng Maso at Karit

Kung magagawa lang, ang lupa at langit;

Ang Agila naman sa pagpupumilit

Na siyang mauna’y hindi matahimik;

Bakit ba kung sino ang sa yama’y labis

Siyang mapangamkam, siyang mapanlupig?


Wala pang sanggol sa kasalukuyan

Sa pambombang higit ang bilis sa ingay,

Kaya kapag tayo’y biglang sinalakay

Di makahahanda nais mang lumaban;

Dahil dito kaya dapat pagsikapan

Na mapagkasundo ang sangkatauhan!


Hindi nga masamang ang tao’y

Lalo kung may mithing dakila at tapat,

Pagkat likas lamang sa taong maghangad

Kung nasa ibaba, na siya’y mataas,

Nguni’t ang masama’y ang magpakapantas

Upang ang mabuting binuo’y iwasak!


Di dapat gumamit ng mga sandatang

Bukod sa pangwakas, may lasong kasama;

Idalangin nating magkaisa sana

Ang sangkatauhan sa mithi at pita;

Pag tayo’y nabubuklod na gintong panata

Ang sandaigdiga’y wala nang balisa!


Kapag nagkaroon ng lason sa tubig

Gayon din ang hangin na dating malinis,

Lahat ng may buhay sa Silong ng langit

Ay matatapos nang parang panaginip;

Saka lamang naman magiging tahimik

Kung dito’y wala nang mga manlulupig


Dahil dito kaya kinakailangang

Iwasan ang imbot at mga hidwaan;

Pagsikapan nating tuparing lubusan

Ang aral na tayo ay mangag-ibigan;

Sapagka’t ang Eden ay naglaho lamang

Nang si Ada’t Eva’y lumabag sa aral!


Agawin sa kamay ng imbot at inggit

Ang kapayapaan nitong sandaigdig;

Sugpuin ang dahas at lakas ng lupit

Sa pamamagitan ng Santong Matuwid;

Ang Diyos ay gising, di ipagkakait

Ang Kanyang saklolo sa api at amis!


Kapag ang Ama nang Makapangyarihan

Ang siyang nagtanggol sa aping kat’wiran,

Hindi maglalao’t ang sangkatauhan

ay makakandong na ng kalwalhatian;

Saka ang ligalig na sandaigdigan

Ay mahihimbing na sa katahimikan.

17 comments:

Anonymous said...

tnx poh sa pagpost ... :D d na poh kme mhhrpan magtype.. :)

john enrico comia on December 7, 2010 at 6:08 AM said...

ahh gnun wUlang ANumAn,, :D

Anonymous said...

msy buod b ni2 di2?

john enrico comia on December 7, 2010 at 7:43 AM said...

ahh wula pong buod yn ee,,

Anonymous said...

.anung meaning ng no. 6 na stanza?.

Anonymous said...

at tsaka sa no. 11 rin please.

Anonymous said...

anung kahulugan ng saknong?? labing isa? pa help nmn p0 or paliwanag

Anonymous said...

ang pagkakaalam ko .. ibig sabihin ng ikalabing isang saknong ay digmaan ..

Anonymous said...

anong ibig sabihin ng saknong 2 at 3?

Anonymous said...

may reaction paper ba toh? hehe .. -- abby ;)

Anonymous said...

excuse me.. ano po ba ang ibig sabihin ng "bakal na ibon" at "taong palaka na nagwagi sa layon"??? sa saknong 3. Pakisagot lang po.. salamat. ^_^

Anonymous said...

ang bakal na ibon ay mga eroplano sa himpapawid..:))) yan ang alam ko..:)) Ella:))

Anonymous said...

yes ung taong palaka ay ung parang tao na nakak punta sa ilalim ng tubig dahil sa mka bagong teknolohiya di na siya submarineee

Anonymous said...

anu po ba ung ehe ng mundo? tnx ^_^

Anonymous said...

ano po ba ang bakal na limbas ? tsaka ehje ng mondo?need help lng po plzzz...

Anonymous said...

ano po b ang ibig xbhn ng saknong #4 5 6?

Anonymous said...

wala ba book report nito ?? hahaa

Post a Comment

Followers


 

Filipino Corner. Copyright 2014 All Rights Reserved